Fæðuflokkar    

    Eftirfarandi er listi yfir það hvað þú ættir að sækjast eftir úr hverjum fæðuflokki. Hér verður stiklað á stóru um fæðuflokkana og er þetta hafsjór af upplýsingum sem er til í samfélaginu. Hvet ég alla til að leita sér frekari upplýsinga til að halda sér í góðu heilsufarslegu ástandi.


Brauð og kornmatur (gefa kolvetni, prótein og trefjar)

    Í þessum flokki er það grófa brauðið sem gildir hvort sem það er venjulegt formbrauð eða rúnstykki. Einnig eru flatkökur góður kostur. Reyndu að velja ósykrað morgunkorn og hafragrauturinn virkar alltaf. Mjög æskilegt er að velja sér heilhveiti í staðinn fyrir
fyrir hveit. Ástæðan er sú að hveilhveiti er trefjaríkara og gefur stöðugri blóðsykur. Spelt er kornafurð sem er orðin mjög vinsæl og er afar bragðgóð. Mælt er með að nota ekki ger til að lyfta brauðinu, vegna þembunnar sem það getur valdið.



Ávextir (gefa kolvetni, vítamín, steinefni og trefjar)
    
    Reyndu að borða 3 – 5 ávexti á dag með máltíðum eða sem millimáltíð. Mundu að hitaeiningafjöldinn er nokkuð mismunandi milli ávaxta. T.d. eru bananar og avacado með meiri fituinnihald en aðrir ávextir. Epli, kiwi og perur innihalda töluvert af trefjum sem gefa góða mettun og hafa lítil áhrif á blóðsykurinn.





Fiskur , kjöt og egg (gefur prótein, vítamín og steinefni)
    
    Skerðu alltaf burt alla sýnilega fitu á kjöti. Best er að borða file því það er fitusnauðast.  Ekki borða mikið unnar kjötvörur ss, pylsur, kjötfars, kjötbollur, bjúgu o.s.frv. Borðaðu fisk reglulega og borðaðu ólíkar tegundir, lax, ýsu, humar, jafnvel fiskibúðingur er í lagi, helst lítið saltur. Ef þú ert að búa til eggjaköku notaðu þá eina rauðu á móti þremur hvítum, til að halda kolestrolmagni í hófi.



Grænmeti (gefur kolvetni, vítamín, steinefni og trefjar)

    Reyndu að borða grænmeti með sem flestum máltíðum. Grænmeti er hlaðið af vítamínum og steinefnum og er bragðgóður og hollur kostur. Í stað brauðs, pasta, hrísgrjóna eða kartaflna er grænmeti frábær kostur sem meðlæti með kvöldmáltíðinni. Grænmetið hægir á frásogi sykurs í blóðrásina sem veldur stöðugum blóðsykri.



Mjólkurafurðir (gefa prótein, kalk steinefni og vítamín)

    Reyndu að velja fituskertar mjólkurafurðir, léttsúrmjólk, undanrennu, léttjógúrt, léttost, létt og laggott o.s.frv. Fituminnstu mjólkurafurðirnar sem við mælum með eru skyr og kotasæla. Mjólk er góð fyrir uppbyggingu beina og viðhald þeirra. Æskilegt er að nota járn með til að nýta kalkið í mjólkinni betur.
 





Kartöflur og rótargrænmeti (gefa kolvetni, vítamín, trefjar)

    Kartöflur og rótargrænmeti eru fitulitlar afurðir og henta því frábærlega á heilsumatseðilinn. Kartöflur gefa góða mettunartilfinningu og rótargrænmeti er fín æfing fyrir tennur og kjálka.



Fitur

    Fita er lífnauðsynleg og ætti að skipa sinn sess á matseðlinum þínum. Reyndu að velja fæðu sem inniheldur litla sem enga mettaða fitu. Ómettaða fitu er að finna í feitum fiski og einnig er t.d. Olys jurtaolían frábær uppspretta. Allar jurtaolíur eru góðar en gott er að hafa í huga að sumar eru viðkvæmar fyrir miklum hita í matargerðinni. Reyndar getur mikill hiti breytt uppbyggingu oilíunnar og gert hana mjög slæma.
Natural hnetusmjör og avacado innihalda einnig töluverða ómettaða fitu.